Пире од компир полнето со кашкавал, пармезан и пршута, смотано во бомбици од кои ќе си ги излижете прстите.
Потребни состојки:
400 g сварени компири
70 g пармезан, рендан
80 g пршута, сечкана (или салама по избор)
Магдонос
Сол и бибер
Парчиња кашкавал или моцарела сирење колку што ќе има бомбици
1 јајце, изматено и презла (за потопување и валкање на бомбиците)
Начин на подготовка:
Потребно е да направите пире од компир и да ги измешате во него сите состојки освен моцарелата (или кашкавалот), да направите бомбица, а внатре да вметнете парче моцарела или кашкавал.
Потопете ги бомбиците во изматени јајца, па во презла и ставете да се печат на 190˚С, 25 минути.
