Португалија ја посрамоти Унгарија во секој ракометен елемент, па на крилата на голманот Мигел Фереира кој собра 15 интервенции, славеше со 27-20 во дербито на вечерта кое го судеше најдобрата македонска судиска двојка Ѓорѓи Начевски-Славе Николов.

Македонските судии по 48 секунди го исклучија Сипош, но Унгарците не знаеа каде се од стартот на мечот, па дадоа само два гола за половина од првото полувреме и Португалците искористија сѐ за да исчекорат кон победата зашто набрзина дојдоа до плус шест (8-2), па дојдоа и до преубедливи плус осум (10-2, 12-4) за да достигнат и најубедливи плус девет (13-4), играјќи го најдоброто полувреме во својата историја со само девет примени гола во првиот дел (16-9).