Направете ја оваа едноставна и освежителна торта и развеселете го друштвото со неа и донесете пролетно освежување!
Омилено овошје на многу луѓе, боровинките не се само вкусни, туку и здрави. Со мноштво витамини и антиоксиданси, тие се совршена храна, особено кога ќе се најдат во вкусен десерт!
Крајно време е да го пробате овој рецепт за превртена торта …
Освен што е вкусна, оваа торта ќе ги воодушеви сите со својот изглед. Погрижете се да има доволно, и за крај украсете ја со шеќер во прав или неколку цвеќиња и внесете ја пролетната атмосфера од надвор во вашиот дом.
Состојки:
50 гр кафеав шеќер
2 лажици путер
250 гр боровинки
2 јајца, одделни белки и жолчки
150 гр шеќер
110 гр путер
1 лажичка ванила
180 гр брашно
2 лажички прашок за пециво
1/2 лажиче сол
120 мл млеко
Подготовка:
1. Загрејте ја рерната на 180 степени.
2. Загрејте ги шеќерот и путерот во мала чинија, мешајќи додека не се стопат.
3. Калапот за торта обложете го со хартија за печење, а потоа истурете ја мешавината од шеќер и путер и премачкајте го дното со неа.
4. Додадете ги боровинките во еден слој врз мешавината на шеќер и путер.
5. Одделете ги белките и жолчките. Цврсто изматете ги белките. Одложете за подоцна.
6. Во друг сад измешајте ги шеќерот и путерот и додадете ги жолчките. Изматете добро, па промешајте ја ванилата.
7. Во нов сад измешајте го брашното со прашокот за пециво и солта. Наизменично со млекото, измешајте ја смесата со брашно во смесата од жолчка. И така сè до крајот, сè додека не останете без брашно и млеко.
8. Земете ги белките и додајте ги во добиената мешавина од брашно, млеко и жолчки.
9. Истурете ја добиената мешавина во тава за торта и распоредете ја рамномерно. Тестото ќе биде многу густо, многу подебело од вообичаеното тесто за торта.
10. Печете 55 до 60 минути.
11. Оставете го колачот да се излади во калапот 15 минути, а потоа свртете го наопаку на послужавник. Не мрдајте го калапот барем уште 15 минути – бидејќи врелата торта може да се распадне.
