Нигерискиот претседател Бола Тинубу се лизна и падна за време на парадата по повод 25 години демократија во земјата.Тинубу, кој има 72 години, паднал додека се качувал по скалите на возилото кое требало да го вози околу плоштадот Орел во главниот град Абуџа и му била потребна помош за да застане на нозе.

Нигерискиот претседател подоцна се пошегува за неговиот пад на празнична вечера.– Многумина се збунети дали правев буга или бабанрига – рече Тинубу мислејќи на двете популарни танцови движења во Нигерија.Еден од неговите помошници го опиша инцидентот како „благ погрешен чекор“ и рече дека претседателот Тинубу можел да продолжи со остатокот од програмата од денот.– Веднаш продолжи со свечените кругови и нема никаков проблем – напиша неговата асистентка Дада Олусегун на социјалната мрежа Х.Повеќето Нигеријци излегоа на социјалните мрежи за да изразат сочувство, меѓутоа, многумина покренаа прашања за здравјето на претседателот што ги покренаа неговите противници за време на минатогодишната изборна кампања.Американскиот претседател Џо Бајден, да потсетиме, неодамна падна на сцената за време на церемонијата на дипломирање на кадетите на Академијата на воздухопловните сили во Колорадо.