Во март семејството на американскиот актер Брус Вилис откри дека тој боледува од афазија која влијае на неговиот говор и затоа се повлече од актерската сцена.
Сега семејството го користи секој можен момент со него бидејќи психичката состојба му се влошува.
Извор открива дека неговата поранешна сопруга, актерката Деми Мур е во постојан контакт со него и неговата сегашна сопруга Ема Хеминг.
„Таа ја користи секоја прилика да помине време со него. Ако тој не е таму, таа му се јавува на телефон само за Брус да може да и го слушне гласот”, додал изворот за Дејли Мејл.
Тој во моментов како и секоја година ги поминува празниците во Ајдахо со семејството, а изворот тврди дека тоа отсекогаш било посебно годишно време за нив.
„Семејните традиции што ги сакаа продолжуваат, како забави со пижами и ноќи со игри“, вели изворот, кој верува дека Мур и Хеминг се зближиле уште повеќе бидејќи заедно му помагаат.
View this post on Instagram
„Брус не може многу да зборува и се чини дека не разбира многу од она што другите го зборуваат, па Ема навистина му беше гласот за комуникација. Има денови кога гледаат делови од стариот Брус, но тоа е краткотрајно. Тој изгледа дека се повеќе и повеќе им се измолкнува и тоа им ги крши срцата. Неговите ќерки не можат да го замислат животот без него. Им недостасува стариот Брус – оној кој ги задеваше за нивните момчиња и им даваше несакани совети“, вели близок извор. Тој додава дека семејството се надева на чудо.
