Стравот од стареење се нарекува и геронтофобија, и тоа е ирационален страв кој може да биде проследен со разни физички или ментални промени.
Лицето кое го има овој страв може да се плаши од сопствената возраст и проблемите што ги носи староста или може да се плаши од други постари луѓе.
Зошто се појавува стравот од стареење?
Стравот од стареење често се јавува кај помладите луѓе и се јавува како резултат на учењa во детството, или однесување преземено од родителите или поради одредени трауми што ги доживеале постарите луѓе. На пример, негативните мисли на родителите за постарите луѓе можат значително да влијаат врз формирањето негативни ставови на детето, а подеднакво присуството на погреби за малите деца може да остави долгорочна траума.
ако да го препознаете стравот од стареење?
Геронтофобија може да се препознае по различниот став на една личност кон постарите луѓе. Понекогаш оваа личност дури и не сака да зборува за старост, и честопати ќе избегне каква било врска со некој постар од себе. Исто така, ова лице може да има напади на паника и изразена вознемиреност уште при самото спомнување на староста и ќе се плаши од сопственото стареење.
Луѓето кои се плашат од стареење може да бидат потполно здрави, но мислата за стареење ги плаши и буди голем број физички симптоми како што се:
губење на апетит
губење на косата
депресија
неможност за рационално размислување
брзо дишење
потење
Исто така, може да постои страв од промена на изгледот, кај мажи од ќелавост, потоа страв од губење на независноста и осаменост, болест, како и страв одење во пензионерски дом и конечно страв од смрт. Исто така, луѓето кои стравуваат од стареење, стареењето го гледаат како маана на која сакаат да се решат.
Како се третира стравот од стареење?
Како и секоја фобија, така и оваа може да се третира со стручна помош и психотерапија. Бихевиорално-когнитивната терапија може да помогне, како и одредени лекови. Најважно е човек да го прифати стареењето како нормален процес и да научи да живее со него. Исто така, некои совети како да уживате во животот, да направите одредени промени и на тој начин среќно да стареете може да помогнат.
Како да стареете среќно?
Пред сѐ, луѓето треба да прифатат дека промените што се случуваат, како и самото стареење, се нормален процес и да уживаат во нив, но и да размислуваат што е можно помалку за иднината и она што таа го носи. Важна улога игра исхраната богата со витамини, влакна и минерали кои се добиваат преку зеленчук, овошје, житарки и јаткасти плодови.
Покрај тоа, вежбање три пати неделно или пешачење секој ден околу половина час, исто така, може да помогне. Добриот сон е исто така важен, бидејќи спиењето помалку од осум часа може да влијае на квалитетот на животот, но и да го скрати животот. Среќните мисли, исто така, можат да придонесат за подобар живот. Поточно, позитивниот поглед на животните ситуации може да го продолжи животот. Овде може да помогне и богатиот социјален живот, кој ги пренасочува негативните мисли за стареењето и го враќа доброто расположение и го намалува стресот.
Така, стравот од стареење е ирационален страв што може да се појави кај младите луѓе, но и кај постарите лица. Важно е да се разбере дека ова е нормален и природен процес што треба да се прифати и да се сменат одредени навики кои ќе обезбедат среќно стареење.
