Богата на око, практична и вкусна, оваа салата е совршен оброк за сите во семејството.
Уживање за сите дома: салата од 7 слоеви со пилешко
Потребни состојки:
200 г варено пилешко месо
1/2 главица зелена салата, исечкана
200 г грашок
200 г пченка
200 г маслинки
200 г сечкан целер
200 г чери домати, исечени на половинки
За прелив:
285 г грчки јогурт
морска сол и свежо мелен црн бибер
сок од 1 лимон
1 лажица сенф
2 чешниња лук, ситно сечкан
1 лажица органски мед
Начин на подготовка:
Во помал сад измешајте ги сите состојки што се предвидени за преливот и ставете ги во фрижидер да се изладат додека ја подготвувате салатата.
Првиот слој е составен од ситно сечкано варено пилешко месо кое треба и да го зачините.
Вториот слој е составен од половинки чери домати.
Третиот слој е од маслинки.
Четвртиот слој е од варен грашок.
Петтиот слој е од сечкан целер.
Шести слој е од зрна варена пченка.
Седми слој е составен од зелена салата.
Помеѓу секој слој треба да наросите сол и бибер.
На крај одозгора додајте го преливот и ставете ја салатата во фрижидер, сè додека не дојде времето за сервирање.
