Постот може да има многу моќни ефекти врз нашето тело и да понуди голем број на придобивки. Ако се прашувате што всушност се случува во нашето тело, од час во час додека постиме, еве го одговорот.
0 до 4 часа
Првите четири часа после јадење се познати како фаза на анаболички раст. Телото ја користи енергијата што штотуку ја внесовме со храната за да ја стимулира нашата тековна активност, т.е. за раст на клетките и ткивата. Панкреасот произведува хормон инсулин. Ова му овозможува на телото да ја користи гликозата што се ослободува во крвотокот по оброкот и да складира вишок енергија во клетките за подоцнежна употреба.
4 до 16 часа
Втората фаза на постот започнува по четири часа и трае приближно до 16 часа по последниот оброк. Ова е катаболичка или фаза на распаѓање, кога сите хранливи материи почнуваат да се ослободуваат од „складиштето“ за да се користат како енергија.
Откако ќе истече енергијата складирана во нашите клетки, телото почнува да се потпира на складираните масти. Процесот на ослободување маснотии и нивно согорување за енергија ослободува кетони, што обично се случува околу 16 часа по оброкот.
Брзината со која ќе ја достигнете оваа фаза навистина зависи од тоа што сте јаделе во последните неколку оброци пред постот. Ако сте јаделе многу јаглехидрати и скроб, ќе ви треба малку подолго отколку ако јадете претежно масти и протеини. Една од најмоќните карактеристики на постот, наречена автофагија, исто така започнува во оваа фаза.
Автофагијата се активира со намалување на регулаторот за раст наречен МТОР, а процесот во основа е како пролетно чистење на клетките. Ги отстранува мртвите или оштетените клеточни материјали кои инаку можат да придонесат за стареење, рак и хронични болести.
16 до 24 часа
Откако ќе поминат 16 часа од последниот оброк, гликозата во клетките и гликогенот во црниот дроб и мускулите почнуваат брзо да се намалуваат, поради што складираните масти се согоруваат за да се задоволат потребите на телото за енергија.
Потребите за енергија во оваа фаза веројатно не се многу променети – сè уште се будиме, работиме, одиме, комуницираме со луѓе, можеби дури и вежбаме. Производството на друга хемикалија, AMP-активирана протеин киназа (AMPK), исто така се активира во овој момент.
Во случај да одлучите да постите, задолжително консултирајте се со вашиот лекар.
