Еден човек загина, а најмалку десет се повредени синоќа откако возач намерно влетал со автомобилот во пешаци пред железничката станица во францускиот град Кан. Инцидентот на северот од Франција го потврдија локалните власти, пишува Ројтерс.

„Последиците се сериозни. Имаме едно загинато лице, седум лица се во критична состојба, а тројца од нив се тешко повредени, но нивните животи се надвор од опасност“, изјави за новинарите префектот на департманот Калвадос, Давид Клавиер.

Властите потврдија дека возачот е уапсен кратко време по нападот. Според достапните информации, станува збор за маж роден во Русија кој не им е познат од претходно на разузнавачките служби.

Мотивите на напаѓачот засега остануваат непознати. Во тек е полициска истрага, која вклучува детален преглед на снимките од безбедносните камери.