Енергетските барови лесно може да се направат во вашиот дом. Со добар блендер, целиот процес ќе трае помалку од 10 минути. Најтешкиот дел е да се чека да се олади во фрижидерот.
Благодарение на овесот, оревите, но и путерот од кикиритки, овие барови се добар извор на протеини, но и диетални влакна и здрави масти.
Без печење: Рецепт за фини протеински барови
Потребни состојки:
За баровите:
80 гр овесни снегулки
35 гр ореви
8 до 10 меки урми
4 лажици мед или јаворов сируп
2 лажици путер од кикиритки
2 лажици прелив од чоколадо
½ лажички цимет
малку сол
За преливот:
50 гр чоколадо
2 лажици кокосово масло
грст орево
малку сол
Начин на подготовка:
Во блендер, мелете го овесот во ситен прав.
Додадете ореви, урми, јаворов сируп, путер од кикиритки, цимет и сол. Измешајте сè заедно додека не добиете мека смеса.
Рачно измешајте го преливот од чоколадо во смесата и префрлете ја во плех претходно обложен со хартија за печење.
Добро притиснете ја смесата во плехот.
Растопете го чоколадото и кокосовото масло во микробранова печка во кратки интервали додека не добиете убава глазура.
Истурете ја глазурата врз исцедената смеса, украсете со малку сол и парчиња ореви.
Ставете во фрижидер за да ја компресирате смесата најмалку еден час. Добар апетит!
