Германската министерка за надворешни работи Аналена Бербок повика на формирање на специјален меѓународен суд кој ќе ги гони руските лидери за руската инвазија на Украина, јавуваат агенциите.
„Треба да испратиме јасна порака до руското раководство овде и сега дека војната за агресија нема да остане неказнета“, рече Бербок на Академијата за меѓународно право во Хаг.
Таа, исто така, повика на промени во статутот на Меѓународниот кривичен суд со седиште во Хаг, за да може на руското раководство да му се суди за агресија.
Меѓународниот кривичен суд ги истражува наводните воени злосторства и злосторства против човештвото во Украина. Но, според правилата усвоени во 2018 година, таа не може да ја гони Русија, бидејќи не е член на судот.
Единствениот начин да се направи тоа во моментов е да се поднесе барање до Советот за безбедност на ОН, на кое Русија како постојана членка би ставила вето.
„Разговаравме за соработка со Украина и нашите партнери за идејата за формирање специјален суд за злосторства на агресија против Украина“, рече Бербок.
Русија ги отфрли обвинувањата за воени злосторства, вклучително и намерно таргетирање на украински цивили, потсетува Радио Слободна Европа.