Кели ЛеБрок, американска актерка во пензија, ја стекнала својата слава како модел, по што станала најпосакуваната жена на Холивуд во 80-те години, благодарение на улогите во филмовите „Woman in Red“ и „Weird Science“.
Кели денес има 60 години и ретко се појавува на црвениот тепих и на јавни настани. Меѓутоа кога ќе се појави тоа што присутните го забележуваат е нејзиното непрепознатливо лице поради бројните операции и естетски зафати.
Освен тоа, на изгледот влијаеле и болестите и зависностите поради кои актерката можела да го загуби својот живот.
Кели на 16 години почнала да работи како модел, а на 19 години ја имала првата понуда за улога во филм, а кариерата како актерка почнала да ја гради во голем стил.
Кели е позната и по турбулентниот брак со јунакот на акциските филмови Стивен Сегал кој траел од 1987 до 1996 година и со кој има три деца.
„Одлучив да го напуштам Холивуд за да ги одгледувам децата далеку од камерите и љубопитните погледи. Не сакав да гледаат ниту пак да почувствуваат негативни последици од мојот развод. Поради тоа заминав на брдото каде условно живеев во дивина и без телевизор цели 24 години“, изјавила актерката во интервју за „Closer Weekly“ во 2017 година.
Тогаш проговорела и за стареењето, но не споменала естетски зафати и операции:
„Кога ја носев титулата најпосакувана жена не бев свесна за тоа, што е иронија. Сега кога сум позрела и цела со брчки, се чувствувам пријатно во своја кожа. Среќна сум со себе“, заклучила Кели.
Вака актерката изгледа денес:
