Платниот промет во евра во Европската Унија во моментов е оневозможен поради технички проблеми во системот, кој дневно обработува трансакции вредни 1,9 билиони (1.900 милијарди) евра, јави „Ројтерс“.
Европската централна банка објави дека прекинот влијаел на комуникациските канали на нејзината паневропска платформа ТАРГЕТ2 секјурутис (Т2С).
ЕЦБ во последната објава наведе дека сервисот Т2, клучен дел од ТАРГЕТ системот за плаќање во ЕУ, има проблеми кои влијаат на обработката на трансакциите меѓу апликациите и пристапот на корисниците до апликацијата, додека ЕКОНС 2и понатаму е отворен за обработка на најкритичните уплати, за кои треба да се координира со соодветната централна банка.
За да продолжат операциите на Т2 системот, ќе биде потребно да се изврши пренос на секундарна локација. Се очекува за еден час операциите да продолжат нормално.
„Евросистемот ги презема сите потребни мерки за нормалните операции да продолжат што е можно побрзо“, наведе Европската централна банка.
„Ројтерс“ пишува дека се чини дека европските пазари на акции, валути и обврзници денеска функционираат нормално и не се пријавени големи проблеми.
