Припадничката на полицијата Ванеса Лобао (31) била брутално убиена пред нејзината куќа во Санта Круз, западно од Рио де Жанеиро.
Ванеза бил распоредена во разузнавачката единица на 8-та станица, која ги истражувала врските меѓу полицијата и криминалците. Единицата инаку е подредена на Генералниот инспекторат на Воената полиција.
- Кривичен го отфрли предлогот за мерки за претпазливост за Васко Ковачевски
- Илон Маск повеќе не изгледа исто: Милијардерот објави фотографија од својот нов имиџ, а мрежите гореа: „Имаш доволно пари за да…” (фото)
- Оргии во затвор, полицајки имале односи со затвореници, една останала бремена… Се појавија слики и видеа – „Таа е неверојатно глупава!“
- Најбезбедните автомобили во Европа: Прв на листата е модел кој ќе чини колку стан во Скопје
- „Европа треба да биде казнета со сите расположливи средства“ Медведев бесен откако европските земји одбија да им помогнат на руските морнари
Млада полицајка е убиена пред нејзината куќа кога се вратила од теретана во петокот вечерта. Убијците со качулки излегле од црн автомобил и отвориле оган од автоматско оружје. Лобао била застрелана во автомобилот додека нејзиниот партнер преживеал бидејќи излегол да ја отвори вратата од гаражата.
Гувернерот на Рио де Жанеиро, Клаудио Кастро, бара брза и остра реакција од полицијата.
– Има докази дека напаѓачите се поврзани со корумпирани полицајци кои биле по неа – изјави Кастро.
Министерот за правда и јавна безбедност Флавио Дино вети дека федералната полиција ќе помогне во истрагата.
- Жалиме за убиството на полицајката Ванеса Лобао во Рио де Жанеиро. Мојата солидарност е со нејзиното семејство и колегите. И наредив на федералната полиција да помогне во истрагите кои се во надлежност на државните органи – рече министерот.
Постарата сестра на Ванеса се огласи на социјалните мрежи и изјави дека ќе го даде животот за неа.
- Умрев кога ми рекоа дека те нема! Засекогаш ќе бидеш љубовта на мојот живот, ќерка моја, мојата најдобра пријателка, твојата лојалност никогаш нема да биде заборавена. Кукавичлук, револт… Еве зошто ми крвари срцето. Би го дал животот за да живееш ти наместо мене – напиша Андреза Лобао.
Од почетокот на годинава во Рио де Жанеиро се убиени 52 припадници на безбедносните служби. Меѓу нив има и 46 воени полицајци.
Ванеза Лобао работела во полиција 10 години.
Пронајдете не на следниве мрежи:
