Театарот „Хенд“ во Пловдив ги поканува сите љубители на уметноста и хуманоста да присуствуваат на добротворната претстава „#Ромео и Јулија“, закажана за 23 март (недела) со почеток во 19:30 часот. Приходите од влезниците и донациите ќе бидат наменети за поддршка на семејствата погодени од трагедијата во Кочани, Република Македонија. Уметноста како извор на добрина. За само еден час, дваесет млади актери од младинската актерска школа при театарот „Хенд“ ја организираа оваа претстава и ја вклучија во месечниот распоред. Нивниот потфат покажува дека уметноста не е само забава, туку и моќен начин за пружање помош и утеха. „Веруваме дека уметноста има способност да лекува, пренесува надеж и ни се обраќа во најтешките моменти,“ изјавуваат младите талентирани актери. Театар „Хенд“ – мало место со голема душа. Овој театар е познат по уникатниот пристап и авторските претстави кои освен што забавуваат, носат значајни пораки. Во оваа прилика, нивната сцена станува симбол на солидарност и поддршка. Не е првпат театарот да учествува во хуманитарни акции, бидејќи често поддржува благородни цели.
The post Бугарскиот театар „Хенд“ од Пловдив претставува хуманитарна иницијатива за Кочани appeared first on 365.mk.
