Благодарение на дождот што вчера во попладневните часови падна, пожарите се целосно изгаснати, вели директорот на Центарот за управување со кризи (ЦУК), Стојанче Ангелов.

„Вчера имавме многу тежок ден во првата половина затоа што имавме неколку ризични пожари“, рече Ангелов.

Како што додаде, почвата и вегетацијата сега се влажни, а тоа значи дека барем во следните десетина дена ќе биде мирен период.

„Пожарите сигурно ќе продолжат и понатаму, но барем засега ќе можеме да здивнеме. Почвата е делумно влажна, вегетацијата е навлажнета и тоа ни дава надеж и верба дека следниот период ќе биде мирен за нас, барем во наредните десетина дена“, изјави Ангелов.