Голем протестен собир под слоганот „15 за 15“ се одржува денеска во Белград на покана на студентите во блокада, кои бараат одговорност за падот на настрешницата во Нови Сад и за смртта на петнаесет лица.
Белграѓани синоќа ги пречекаа учениците кои учествуваа на повеќедневниот маратон „Марш за Србија“. Најавено е дека протестот ќе започне во 16:00 часот пред Домот на Народното собрание. Пред тоа ќе се организираат собири на повеќе локации во градот, од каде што ќе се пешачат до парламентот. И владините претставници и студентите повикуваат на мирен протест.
РТС објави видео од моторџии кои кружат околу Собранието.
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
