Големото хрватско дерби повторно донесе големи проблеми, овојпат по завршувањето на натпреварот.
Непосредно по последниот свиреж на главниот судија, припадниците на навивачката група „Торцида“ влетаа на теренот и се стрчаа кон навивачите на Динамо, „Бед Блу Бојс“ кои беа сместени на спротивната страна од стадионот. На теренот фрлија неколку факели, а фудбалерите на двете екипи во паника се разбегаа и заминаа во соблекувалната.
За да се спречи поголеми нереди, полицијата фрли солзавец и се обиде да ги запре хулиганите, но потоа дојде до голема пресметка меѓу припадниците на редот и навивачите на Хајдук. Дојдоа и специјалци и тие успеаја да воспостават ред на стадионот, ги опкружија домашните фанови, го запреа нивниот продор кон север и се се заврши во најдобар ред.