Сака ли Тошковски да ги затвори новинарите во канцеларија, прашува новинарот Фуркан Салиу кој претходно објави дека МВР поднела против него кривична пријава за наводен напад на службено лице.
– Г. Тошковски, зарем вака сакате да бидете запаметени?
Покажавте човечност на последната конференција за медиуми и си реков овој навистина немал поима што се случува во Коњаре, но последните ваши постапки навистина ме тераат да размислам два пати.
Од ова вие направивте личен конфликт. Ова веќе е помеѓу Фуркан Салиу и Панче Тошковски само што вие имате цел еден државен апарат во рака а јас само еден микрофон.
Вие имате цела партиска структура која што е зад вас во борба против екипа од 5 млади дечки.
Но ние имаме само една мала предност… Вистината и народот.
Кога би била професионална дилема помеѓу еден министер и еден новинар за своите постапки тогаш денеска немаше да има кривична пријава а вие ќе побаравте извинување.
Еве со видео уште еднаш ве потсетувам што кажавте пред неколку дена…
Многу јасно беше прашањето:
Што ќе се случи ако испадне дека јас не сум нападнал полицаец?
Знаете што одговоривте Г. Тошковски?
Ќе ви се извинам лично!
Знаете што е најлошо? Што овој проблем го претворивте во политичка битка ама адресата ви е погрешна. Вие барате гласови, јас не.
Но да, за едно ќе ви дадам рака и ќе ви признавам… Успеавте да го држите тимот на ПорталХ зафатен овој период.
Луѓе се јавуваат бараат помош но нашиот тим е зафатен бранејќи се од институцијата која што треба да не заштитува.
Како и да е, редно е вие да се извините а ако постои барем малку морал, човечност и правда тие кривични пријави ќе бидат отфрлени. – пишува Салиу.