Драги мои сограѓани, две работи ве молам, немојте да останете дома, излезете на гласање и немојте да гласате против, туку гласајте за. Гласајте за оној кој сметате дека треба да ви ја води државата во следните пет години. Ако гласате за инает ќе се каете.

Она што народот го мисли јас го кажувам, преку мене зборува народот. Тоа што народот го бара, тоа и ќе се прави кога ќе бидам претседател. Јас ги повикувам граѓаните да го дадат гласот за мене, а потоа јас ќе бидам нивниот глас. Имам знаење, искуство, доволно години зад себе, имам доволно храброст и од ништо нема да се уплашам ако треба да се бранат интересите на сите граѓани на Репубалика Македонија. Нема поданичка политика, тоа што ќе ни одговара на нас, тоа ќе се прави, нема сервилност кон никого!

Мора да престанеме со поданичката полиитка, тоа е мојата понуда до граѓаните на Република Македонија и претседателот не може да се крие само зад уставните ограничувања, туку мора да се грижи и како му живее народот.
Бугари во Устав ќе влезат тогаш кога ќе се расчистат прашањата за јазикот, идентитетот и македонските херои.

Јас немам проблем да ги помилувам лицата осудени за 27 април, а правда треба да има за сите граѓани, вклучително и за поранешниот премиер Груевски. Секој македонски граѓанин треба да добие шанса за фер судење во Македонија и да си докаже пред македонските органи дали е виновен или не.

https://www.facebook.com/jakimovskis/videos/349118631503300