Специјалниот пратеник на претседателот на САД, Стив Виткоф, и специјалниот претставник на претседателот на Русија за инвестиции и економска соработка со странски земји, генералниот директор на Рускиот фонд за директни инвестиции, Кирил Дмитриев, пристигнаа во Кремљ.
Во вторник, во Москва ќе се одржат преговори меѓу претседателот на Русија Владимир Путин и Виткоф. Посетата на американскиот специјален претставник е шеста по ред оваа година, а се очекува на средбата со Путин, Виткоф да ги презентира американските предлози за мирно решавање на конфликтот во Украина.
Како што изјави портпаролот на претседателот на Руската Федерација, Дмитриј Песков, на брифинг за индиските медиуми, што го одржа „Спутник Индија“, оваа средба претставува важен чекор кон мирно решение на украинскиот конфликт.
Претходно, самиот Дмитриев напиша на мрежата X дека денес е важен ден за мировните преговори за Украина. Според него, тимот што го изработи мировниот план на американскиот претседател Доналд Трамп за Газа доаѓа во Москва за да ја промовира програмата на Трамп за мирно решавање на конфликтот во Украина.
The post Виткоф стигна кај Путин: Целиот свет ги чека резултатите од овој разговор, дали ќе има мир во Украина? appeared first on Во Центар.
