Ќерката на Сашка Стојаноска, Македонка уапсена во Улцињ откако со својот автомобил прегази куче, тврди дека Шарпланинецот прво го нападнал и го убил нивното куче, а потоа ги нападнал и членовите на нејзиното семејство.
Во изјава за телевизијата Сител, таа рече дека на видеото се гледа и нивното мало куче од расата Ши Цу, кое претходно било убиено од куче од расата Шарпланинац од 50 килограми. Кучето, тврди таа, влегло во нивниот стан, го искинало нивното милениче на парчиња пред нив, а подоцна ги нападнало, вклучувајќи го и нејзиниот малолетен брат. Кучето Шарпланинац, тврди таа, било „удрено со автомобил за да се одвои од неа и кучето што умрело“.
Таа додаде дека Шарпланинецот имал сопственик кој по инцидентот ѝ се заканил, заедно со група пријатели, пред станот. Според неа, „газењето било обид на мајката да ги одбрани децата и нивното милениче“.
Обвинителството во Улцињ соопшти дека жената е приведена 72 часа. Таа е осомничена за кривично дело убивање и мачење животни, како и уништување на нивното живеалиште.
Видео од овој ужасен настан можете да погледнете тука .
The post „Влезе во собата и го растргна нашиот ши-цу!“ Ќерката ја брани Сашка, која прегази Шарпланинец во Улцињ appeared first on Во Центар.
