Водителката на „Тудеј“ Савана Гатри и нејзините браќа и сестри ја зголемија наградата за каква било информација што ќе доведе до пронаоѓање на нивната мајка, Ненси Гатри.
Во ново видео објавено во вторник, 24 февруари, 54-годишната Савана зборуваше за неизвесноста и болката што семејството ја доживува од 1 февруари, кога нивната 84-годишна мајка беше „земена од креветот во темнината на ноќта“.
Водителот призна дека 24 дена без никакви одговори биле вистинска агонија.
– Се плашиме за неа, срцата нè болат за неа, а најмногу од сè, ни недостига – рече таа низ солзи.
Таа додаде дека семејството е свесно оти е можно Ненси повеќе да не е жива.
View this post on Instagram A post shared by Savannah Guthrie (@savannahguthrie)
„Знаеме дека можеби е изгубена, дека можеби веќе си отишла во домот на Господ кого го сака и танцува на небото… Ако е Божја волја, ќе ја прифатиме. Но, треба да знаеме каде е. Треба да ја донесеме дома.“
Наградата се зголеми на 1 милион долари
Со надеж дека ќе дојде до нови информации, семејството Гатри ја зголеми наградата за информации што ќе доведат до пронаоѓање на Ненси или апсење на одговорните од 100.000 долари на дури 1 милион долари.
Покрај тоа, семејството донираше 500.000 долари на Националниот центар за исчезнати и експлоатирани деца, сакајќи да го привлече вниманието на јавноста кон други семејства кои минуваат низ слична неизвесност.
„Не сме сами во оваа болка. Милиони семејства живеат со истата неизвесност. Се надеваме дека вниманието посветено на нашата мајка ќе им помогне и на другите“, рече Савана.
Во емотивна порака, таа повторно апелираше до сите што имаат какви било информации да ги контактираат властите.
„Ако чекавте, ако не бевте сигурни, нека ова ви биде знак. Излезете и кажете што знаете. Помогнете ни да ја вратиме нашата сакана мајка дома. Да го прославиме нејзиното чудесно враќање или да го одбележиме нејзиниот храбар и благороден живот со достоинство. Бидете светлина во темнината“, рекоа членовите на семејството.
The post Водителката во солзи, нуди МИЛИОН за информации за исчезнатата мајка: „Знаеме дека можеби е мртва“ appeared first on Во Центар.
