Референдумот во Белорусија во неделата го одобри новиот устав со кој се отфрла ненуклеарниот статус на земјата во време кога поранешната советска република стана полигон за инвазијата на руските трупи во Украина, објавија руските новински агенции.
Агенциите ја цитираа централната изборна комисија во Белорусија дека 65,2 отсто од оние што учествувале гласале за. Резултатот беше мало изненадување за било кој, со оглед на строго контролираното владеење на претседателот Александар Лукашенко.
Новиот устав дозволува нуклеарно оружје на белоруско тло за прв пат откако земјата се откажа од него по падот на Советскиот Сојуз.
Тоа ги зголемува влоговите во време кога Лукашенко застанува зад воениот напад на рускиот претседател Владимир Путин врз Украина, откако претходно играше посредничка улога меѓу двата соседа.
Западот веќе соопшти дека нема да ги признае резултатите од референдумот, кој се одржува во позадината на сеопфатното задушување на домашните противници на власта. Според активистите за човекови права во Белорусија има повеќе од илјада политички затвореници.
Пронајдете не на следниве мрежи:
