Во Австралија одобрена вакцината на „Фајзер“ за деца

Австралиската регулаторна агенција денеска привремено ја одобри вакцината на „Фајзер“ за деца на возраст од пет до 11 години, а министерот за здравство Грег Хант рече дека имунизацијата може да започне на 10 јануари.
Тој истакна дека регулаторната администрација направила внимателна и темелна проценка и утврдила дека вакцината е безбедна и ефикасна и дека е во интерес на австралиските деца на возраст од пет до 11 години да се вакцинираат.
По првичното одложување на програмата за имунизација против Ковид-19, Австралија стана една од водечките земји во светот во однос на стапката на вакцинација. Речиси 88 проценти од возрасните постари од 16 години примиле две дози.
Високата стапка на вакцинација помогна да се спречи ширењето на вирусот и да се поттикне брзото економско закрепнување.
Нов Јужен Велс, земјата со најголема популација, денеска регистрираше уште два случаи на омикрон и сега има вкупно 15. Се уште не е познато дали и колку вакцините се ефикасни против овој вид.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.