Во пожарот кој избувна во дуќан за моторчиња и гуми на улицата “Јордан Мијалков“ зад трговскиот центар „Рамстор“ и кој го гаснеа четири противпожарни возила едно лице почина, а едно е полесно повредено, соопшти Министерството за здравство. Во просториите имало и моторно масло, па пожарникарите воделе битка со огнот за да не се прошири.
Починатото лице е маж кој во моментот на избувнување на пожарот, останало заробено во продавницата за гуми. И покрај обидите да го извлечат, пожарникарите не успеале во тоа.
На лицето кое било полесно повредено Брзата помош му ги санирала повредите по што било пуштено дома, велат од Министерството.
