Голем шумски пожар вечерва е забележан помеѓу македонските села Маково, Чаниште и Бонче.

Од Центарот за управување со кризи (ЦУК) за ТВ21 потврдија дека се запознаени со ситуацијата.

Директорот на ЦУК, Стојанче Ангелов вели пожарот е во надлежност на локалната противпожарна единица.

Денеска ТППЕ Битола биле на терен но се работи за непристапен терен, нема пат ниту за теренски возила. Утре наутро покрај ТППЕ Битола ќе се вклучат и екипи на ЈП Национални шуми но само пеш по ридот, вели Ангелов.