Неодамнешни истражувања покажале дека грозјето влијае позитивно врз здравјето и животниот век. Сепак, консумацијата на грозје не е доволна да се искоренат лошите навики во исхраната и таа не може да ги компензира ефектите на исхраната богата со масти.
Така, нутриционистите препорачуваат здрава и урамнотежена исхрана богата со хранливи материи.
Дали знаевте дека грозјето може да го продолжи животниот век?
Истражувањата покажале дека секојдневното консумирање околу 2 чаши грозје може значително да го намали ризикот од заболувањето наречено замастен црн дроб. Станува збор за заболување кое доколку не се третира навремено може да доведе до цироза па дури и до рак на црниот дроб.
Грозјето ја подобрува функцијата на микробиомот
Здравиот микробиом на цревата е важен за целокупното здравје и влијае врз функцијата на виталните органи, вклучувајќи го и мозокот. Истражувањата покажале дека грозјето има големо влијание врз микробиомот кај глувците. Сепак, потребни се дополнителни истражувања за да се утврди истиот ефект и кај луѓето.
Грозјето не може целосно да ги компензира лошите навики во исхраната
Генерално, експертите не препорачуваат исхрана богата со масти, дури и ако грозјето може да неутрализира некои од нејзините негативни ефекти. Иако грозјето содржи антиоксиданси кои имаат антиинфламаторно дејство, сепак тие не се во состојба да ја неутрализираат целосно високата содржина на масти присутна во современиот начин на исхрана.
Со други зборови, експертите препорачуваат здрава и урамнотежена исхрана, како, на пример, медитеранската, која е богата со риба, хранливи материи и здрави масти кои, од друга страна, го намалуваат ризикот од хронични болести.
Пронајдете не на следниве мрежи:
