Во Македонија времето денес ќе биде променливо облачно, попладне најпрво во западните, а во текот на ноќта и во останатите делови на земјава ќе има врнежи од дожд. Ќе дува умерен, во источните делови засилен јужен и југоисточен ветер.
Максималната температура во Скопје ќе достигне до 23 степен, Маврово 13, Охрид 19, Битола 21, Кавадарци 24, Крива Паланка 20, Берово 19, Дојран 25 степени Целзиусови.
И утре времето ќе биде променливо облачно со врнежи од дожд. Наместа врнежите ќе бидат пообилни, локално во форма на невреме проследени со грмежи, засилен ветер и услови за појава на град. Дневните температури ќе се движат од 12 во Маврово, 20 во Скопје и 22 степени во Дојран.
