Рајо Ваљекано не игра блескава сезона, но нашиот Столе Димитриевски е одличен и руши клупски рекорди.

Димитриевски веќе го сруши рекордот на Контрерас од сезоната 1996-97 за најмногу мечеви во една сезона без примен гол. Македонскиот голман има 11 такви натпревари со што влезе во историјата на Рајо Ваљекано.

А сега го брка рекордот на голманот Вилфред Агбонавбаре за да стане чувар на мрежата со најмногу настапи во историјата на Рајо Ваљекано.

Утрешниот меч на Димитриевски против Хетафе ќе биде 187 во дресот на Рајо за него, ќе му останат уште три официјални натпревари за да го стигне нигерискиот голман кој од 1990 до 1996 година бранеше за Ваљекано.