Според најавата која синоќа ја даде на “Топ тема“ претседателката на Антикорупциска комисија, Билјана Ивановска, на денешната седница Комисијата за спречување на корупција ќе отвори два случаи против премиерот Зоран Заев.
– Ќе отвораме нови случаи по пријави, како случајот „Глобал“, „едно евро за Вицето“, знаете дека ние работиме неселективно. Исто така ќе отвориме и случаи по пријави на граѓани. Седниците се отворени и јавни и секогаш ја известуваме јавноста, рече Ивановска.
Комисијата ќе работи по две точки од кои едната е постапување по предмети од областа за спречување на корупцијата и другата – постапување по предмети за можен судир на интереси.
