– Министерот за надворешни работи на Украина Дмитро Кулеба посочи пет главни цели на кои украинските дипломати треба да работат оваа година.

Својот план го претстави на првиот Форум за воена дипломатија.

„Секако во воено време сè е од најголема важност, бидејќи војната се состои од милион работи и ништо не е неважно во воено време… Но, од колегите ги барам следните пет работи што ме засегаат. Првата е противвоздушната одбрана“, нагласи Кулеба. Според него, на Украина итно и требаат системи за ПВО Патриот или SAMP/T.

Според Кулеба, втор приоритет за украинските дипломати е мировната формула на Украина и мировната конференција во Швајцарија, а влезот во ЕУ и НАТО е трета најважна цел.

Кулеба ја нарече Латинска Америка како четврти приоритет, опишувајќи ја како „девствена територија, која сака работа“.

Петтиот приоритет, според Кулеба, е новата севкупна политика во однос на Украинците во странство. Шефот на дипломатијата истакна дека по избувнувањето на војната стана јасно дека доколку Киев не ја промени својата политика кон Украинците во странство, тие многу брзо ќе бидат асимилирани.