Дожд и грмежи до вторник, стабилно време од среда

До крајот на денот на повеќе места ќе има развој на нестабилна облачност, која ќе биде проследена со интензивен пороен дожд, силни електрични празнења и силен ветер, информира УХМР. На некои места се очекува да има појава на град. Ќе дува слаб до умерен ветер претежно од југозападен правец, повремено ќе се засилува.
Времето утре ќе биде променливо облачно, попладне со локален дожд и појава на грмежи. Ќе дува слаб до умерен ветер од југозападен правец. Вредноста на УВ-индексот ќе биде 6.
Утринската температура ќе се движи од 6 до 14, а дневната од 23 до 28 степена.
Во Скопје ќе има услови краткотраен дожд со ретки грмежи. Температурата ќе се движи од 14 до 26 степени.
Во вторник се очекува поизразена нестабилност проследена со пороен дожд, грмежи и засилен ветер. В среда во раните утрински часови сè уште се можни слаби врнежи од дожд, но во текот на денот на денот се очекува постепено стабилизирање на временската состојба.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.