Доналд Трамп се огласи по неодамнешните навреди од страна на Роберт де Ниро, кој го нарече „идиот“.
Трамп одговори во долг пост на Truth Social, каде што го нарече Де Ниро „болна и пореметена личност“.
„Кога ги гледате Илхан Омар и Рашида Тлаиб со низок коефициент на интелигенција како неконтролирано врескаат синоќа на елегантното обраќање за состојбата на нацијата, толку важен и прекрасен настан, тие имаа испакнати, крвави очи на лудаци, ментално растроени и болни луѓе, кои изгледаат како да треба да бидат институционализирани. Треба да бидат ставени на брод со пореметениот Роберт Де Ниро, уште едно болно и дементно лице со екстремно низок коефициент на интелигенција, кое нема поим што прави или зборува“, рече тој.
Во претходното појавување во подкастот „Најдобрите луѓе со Никол Волас“, Де Ниро го критикуваше Трамп и изјави дека се чувствува предаден од својата земја.
„Тој е идиот, мора да се ослободиме од него. Ќе ја уништи земјата. Не мора сè да биде совршено, но мора да се вратиме на вредностите што ни дадоа сила и човечност. Ако сакате нашите лидери да бидат одговорни, ако сакате САД да бидат достојни за вашата љубов, бидете подготвени заедно да излезете на улиците“, рече тој.
The post Доналд Трамп одговори на навредите од Роберт де Ниро: Тој е болен човек, не знае што прави и зборува appeared first on Во Центар.
