Обединетото Кралство го ослободи нафтоводот „Дружба“ од санкции до 14 октомври 2027 година, според лиценцата издадена од Канцеларијата за спроведување на финансиски санкции (OFSI) на Обединетото Кралство.
Дружба е мрежа од нафтоводи што минуваат низ Русија, Белорусија и неколку земји од Европската Унија.
Рускиот дел е во сопственост на подружницата на Транснефт.
Руските медиуми јавуваат дека Министерството за финансии на Велика Британија денес го проширило списокот на санкции против Русија за 297 ставки, а меѓу оние што се санкционирани е и „Транснефт“.
Транзитот на нафта преку нафтоводот „Дружба“ до Словачка и Унгарија беше прекинат на 27 јануари, што Украина го припиша на оштетување на опремата во западниот дел од земјата по нападот со беспилотни летала.
Продолжувањето на испораките беше одложувано неколку пати, последниот пат за 26 февруари.
Унгарија и Словачка ја обвинуваат Украина за континуираниот застој.
Гасоводот „Дружба“ започнува во рускиот град Алметјевск, поминува низ Брјанск, а потоа се разгранува и поминува низ Белорусија до Полска и Германија, и низ Украина до Унгарија, Словачка и Чешка.
The post Донесена одлука! Велика Британија привремено го ослободува нафтоводот „Дружба“ од санкции appeared first on Во Центар.
