Идната европска безбедносна архитектура мора да вклучува и безбедносни гаранции за Русија , рече францускиот претседател Емануел Макрон.
Мора да размислуваме за безбедносната архитектура во која ќе живееме утре. Посебно ве потсетувам на предупредувачките зборови што ги испрати претседателот Владимир Путин дека НАТО се приближува до границите на Русија и распоредува оружје што може да и се закани на Русија – рече Макрон.
Францускиот претседател потврди дека ова прашање ќе биде дел од мировните преговори.
– Мора да се подготвиме за она што ќе следи по конфликтот во Украина и мора да размислуваме како да ги заштитиме нашите сојузници, а во исто време да обезбедиме безбедносни гаранции за Русија – изјави францускиот лидер.