23-ти ден од војната меѓу Израел и Америка против Иран. Ситуацијата продолжува да ескалира. Цели се Техеран, Натанц, Ерусалим, Димона и други стратешки места и градови.
Синоќа Иран испали балистичка ракета кон Димона, каде што се наоѓа главниот нуклеарен објект на Израел. На југот на Израел, во градот Арад, иранска ракета ја погоди својата цел – 5 лица загинаа, додека најмалку 100 беа повредени.
Трамп му се заканува на Иран со уништување на електраните ако Ормутскиот теснец не се отвори во рок од 48 часа. Иран одговори со најавување напади врз постројки за десалинизација низ Заливот и Блискиот Исток.
Војната досега одзеде повеќе од 3.000 животи, а најлоша е ситуацијата во тој поглед во Иран и Либан. Земјите од Заливот се под силни ирански напади, како и американските воени бази во регионот.
Војната станува сè побрутална од ден на ден.
Путин: Русија останува лојален пријател на Иран
Рускиот претседател Владимир Путин му го честиташе на својот ирански колега Масуд Пезешкијан Новруз, персиската Нова Година. Во пораката што ја пренесе иранската новинска агенција Мехр, Путин ја потврди посветеноста на Русија на сојуз со Иран.
„Ние остануваме лојален пријател и доверлив партнер на Техеран“, рече Путин.
Тој додаде дека се надева дека иранскиот народ ќе ги надмине моменталните воени тешкотии со достоинство. Русија се смета за еден од најмоќните дипломатски сојузници на Иран и постојано ја осудува американско-израелската војна против таа земја.
Макрон: Ни треба мораториум за напад врз цивилната и енергетската инфраструктура и слободна пловидба во теснецот!
Францускиот претседател Емануел Макрон зборуваше за ситуацијата во Ормускиот теснец.
„Соочени со ризикот од неконтролирана ескалација, попотребно е од кога било сите завојувани страни да се согласат за мораториум на напади врз енергетската и цивилната инфраструктура и Иран да ја врати слободата на пловидба во Ормутскиот теснец“, рече Макрон од Ријад, каде што е во официјална посета.
Je viens de m’entretenir avec le Prince héritier d’Arabie saoudite Mohammed Ben Salmane.Je lui ai redit la solidarité de la France et notre engagement à contribuer à la défense aérienne du territoire saoudien, alors que le pays fait l’objet de frappes répétées et inacceptables…— Emmanuel Macron (@EmmanuelMacron) March 22, 2026
„Дојде време за одговорност и воздржаност со цел да се создадат услови за продолжување на дијалогот, кој единствено може да гарантира мир и безбедност за сите.“
Тој додаде: „Во овој клучен момент, Г7 и Советот за соработка на земјите од Персискиот Залив мора да ја зајакнат својата координација. Франција и Саудиска Арабија работат заедно на ова.“
Санчез: Бараме отворање на теснецот!
Шпанскиот премиер Педро Санчез побара отворање на Ормутскиот теснец и заштита на сите енергетски капацитети на Блискиот Исток, по ескалацијата на нападите врз клучните нафтени и гасни проекти во регионот, пишува Гардијан.
„Шпанската влада бара отворање на Хормуз и заштита на сите енергетски капацитети на Блискиот Исток“, објави тој на социјалните мрежи. „Се наоѓаме на глобална пресвртница. Понатамошната ескалација би можела да предизвика долгорочна енергетска криза за целото човештво. Светот не треба да ги плаќа последиците од оваа војна.“
The Government of Spain demands the opening of Hormuz and the preservation of all the energy sites of the Middle East.We stand at a global tipping point. Further escalation could trigger a long-term energy crisis for all humanity.The world should not pay the consequences of…— Pedro Sánchez (@sanchezcastejon) March 22, 2026
Иако Санчез не ги именуваше директно Иран или САД, неговиот повик дојде откако Трамп му се закани на Иран во саботата. Тој му даде на Техеран 48 часа да го отвори Ормутскиот теснец, кој е од витално значење за протокот на светската нафта, или САД ќе „нападнат и уништат“ иранските електрани, „почнувајќи од најголемите“.
Техеран возврати со закана дека „неповратно ќе уништи“ клучна инфраструктура низ Блискиот Исток, вклучувајќи ги и виталните водоводни системи, доколку САД започнат напад.
The post ДРАМА ВО МОРЕУЗ „НЕМА ГАЃАЊЕ НА ИРАНСКАТА ЦИВИЛНА ИНФРАСТРУКТУРА, ОРМУТ МОРА ДА БИДЕ ОТВОРЕН!“ се огласи Путин, но и лидерите на некои земји од ЕУ со јасна порака до Трамп! appeared first on Во Центар.
