Бујар Османи од Демократската унија за интеграција (ДУИ), соопшти дека партијата донела одлука следните парламентарни избори да се одржат со отворени листи. Со ова, граѓаните ќе имаат можност не само да изберат партија, туку и конкретни кандидати што ќе ги претставуваат во Собранието.
„Граѓаните мора да имаат право да изберат не само партија, туку и кандидатот што ќе ги претставува. Ова е најправичниот начин да се зајакне гласот на избирачот и да се обезбеди вистинско претставување во Собранието“, напиша Османи.
Оваа одлука ја најавува ДУИ како чекор кон поголема демократија и транспарентност во изборниот процес.
