Актерите на Балканот често се незадоволни од хонорарите што ги добиваат за своите ангажмани. Од друга страна, актерот Милош Биковиќ во Русија има дневен приход од кој ќе ви се заврти главата.
Продуцентот и шоумен Сергеј Дворцов зборуваше за хонорарите на српскиот актер Милош Биковиќ, познат по бројните ТВ серии и филмови кои соборуваат рекорди на гледаност во Русија.
Според Дворцов, Биковиќ во моментов е еден од најбараните и најуспешните актери во руската кинематографија. Големата побарувачка од продуцентите и режисерите се одразува и во неговите хонорари – за еден ден снимање, Биковиќ добива од 3 до 4 милиони рубли ( од 33.000 до 44.000 евра ). Покрај тоа, актерот добро заработува од рекламирање.
Во разговор за руската „Пасија“, продуцентот рече дека финансискиот успех на Биковиќ е целосно оправдан.
– Неколку од филмовите на нашиот актер се снимани во Подмосковље. Поточно, кога го играше амбициозниот и неверен сопруг на Оксана Акинсин во една од руските ТВ серии, изнајмувањето филмска вила со огромен камин и ловни трофеи чинеше 250.000 рубли (2.800 евра) на ден – рече Дворцов.
Поради Биковиќ, се менуваат и сценаријата
Според руските медиуми, популарноста на Биковиќ во таа земја е толку голема што веќе напишаните сценарија можат да се променат за да се прилагодат на него. Така, претходно беше откриено дека во филмот „Црвена свила“ требало да се напише различно сценарио за Биковиќ да прифати да ја игра главната улога.
The post Еве колку заработува Милош Биковиќ во Русија: За еден ден снимање добива милиони, а има и друг извор на приход appeared first on Во Центар.
