Една од најголемите фолк ѕвезди, Весна Змијанац, веќе неколку дена е во Ургентниот центар поради влошена здравствена состојба.
Иако требаше да биде пуштена дома, лекарите ја задржаа за дополнително да ја следат нејзината состојба.
Според медиумите, пријателите и семејството доаѓаат да ја посетат Весна секој ден, а таа секој ден е сè подобра.
– Весна е добро, наскоро треба да ја пратат дома. Се надевам дека ќе биде почетокот на следната недела. Пријателите и семејството ја посетуваат, Николија е таму покрај неа секој ден – изјавил меѓу другото извор близок до пејачката.
Весна имала интервенција, кога била извршена реваскуларизација на нејзината артерија, а интервенцијата била извршена поради итноста на нејзината состојба. Изворот рекол дека пејачката имала сериозно стеснување или блокада на еден од најважните крвни садови на срцето, главното стебло на левата коронарна артерија.
Со оваа интервенција се обновува протокот на крв, што спречува срцеви удари и ја подобрува срцевата функција. Три стентови значат дека стеснувањето било подолго или на повеќе места.
Колегите на пејачката ѝ пружаат голема поддршка, а се огласи и Шемса Суљаковиќ , која објави фотографија од Весна на својот Фејсбук профил и ѝ посака брзо закрепнување.
– Драга Весна, ти посакувам брзо и успешно закрепнување. Се надеваме дека наскоро ќе те видиме повторно на сцената, каде што ти е местото – напиша Шемса, со емотикони од срца и бакнежи.
The post Еве кој е со Весна Змијанац постојано во болница! Лекарите ха спасија од срцев удар, едно лице не излегува од собата (фото) appeared first on Во Центар.
