Европската Унија ги укина економските санкции врз Сирија во обид да го поддржи процесот на транзиција и закрепнување на земјата по соборувањето на поранешниот претседател Башар ал-Асад.

Овој потег дојде откако министрите за надворешни работи на ЕУ минатата недела постигнаа политички договор за укинување на санкциите, објави Ројтерс.

Како што објави Европскиот совет, Унијата ќе ги задржи санкциите поврзани со владата на Асад и ограничувањата наметнати од безбедносни причини, а во исто време ќе воведе нови санкции против поединци и субјекти поврзани со бранот меѓурелигиско насилство во март.