Во изминатото деноноќие се регистрирани 54 нови случаи на коронавирус во Македонија од направени 3.087 тестирања, информира Министерството за здравство. Починато е едно лице на 77 годишна возраст.
Најмногу нови случаи се регистрирани во Тетово – 32, во Скопје 13, Дебар – 4, Гостивар и Валандово по 2 и Кичево 1.
Регистрирани сe 28 оздравени пациенти.
Вкупната бројка на ковид-дијагностицирани лица во нашата земја од почетокот на епидемијата изнесува 156.506, бројката на оздравени пациенти е 150.399, на починати е 5.494, а бројот на активни случаи изнесува 613.