Леќата е храна чие готвење не е комплицирано, па лесно е да се вклучи во менито. Полна е со витамини, протеини и влакна, а здравствените придобивки што ги нуди се многубројни.
Богата е со растителни влакна
Една од најголемите придобивки на леќата е нејзиното високо ниво на влакна, кои повеќето луѓе не ги внесуваат доволно во исхраната. „Леќата е сложен јаглехидрат кој содржи многу влакна, особено растворливи. Овие влакна се раствораат во вода и создаваат смеса слична на гел, која се движи низ нашето тело и помага да се отстранат некои од супстанциите поврзани со високиот холестерол“ изјавила нутриционистката Џенифер Хенвеј.
Леќата може да ја обезбеди вашата дневна доза на влакна (26 грама) во само половина чаша. Нејзините влакна помагаат и при варењето.
Помага во регулирањето на шеќерот во крвта
„Растителните влакна во леќата можат да помогнат во балансирање на нивото на шеќерот во крвта со забавување на ослободувањето на глукоза во крвотокот и спречување на растот на инсулин“, додала Хенвеј.
Ова е една од големите придобивки од леќата за дијабетичарите, бидејќи помага во одржување на нивото на шеќер во крвта.
Таа е добар извор на протеини
Леќата има повеќе од 20 грама протеини во половина чаша, што ја прави совршен прилог за ручек, особено ако сте вегетаријанец или веган.
Полна е со витамини и минерали
Една од здравствените придобивки на леќата е тоа што е како многу вкусен мултивитамин: преку нив можете да внесете калциум, калиум, цинк и железо, како и многу витамини од групата Б.
Нутриционистката препорачува да го исклучите шпоретот неколку минути пред да ја готвите леќата. Гответе 2-3 минути помалку од планираното, исклучете го огнот, поклопете и оставете да се готви тивок оган до крај.
