Како безбедно да ги исчистите и освежите радијаторите?
Радијаторите се вистински магнети за прашина и нечистотија и сигурно сакате редовно да ги чистите, но мора да внимавате како го правите тоа. Одредени совети кои можете да ги најдете на Интернет се особено опасни. Важно е да знаете за скриените опасности.
Ризични идеи од TikTok
На TikTok шират неколку видеа во кои луѓето покажуваат како да го исчистите радијаторот со антибактериски агенси и „ветуваат“ дека вашиот дом не само што ќе биде топол, туку и безбеден од бактерии и други микроорганизми. Но, тоа е опасно!
„Постојат голем број видеа и совети за чистење на радијаторите, во кои на луѓето им се предлага да истурат антибактериско средство, а потоа зовриена вода низ ребрата на радијаторот. Но, не смеете да го правите тоа. Антибактериски производи, особено во форма на спрејови или аеросоли, никогаш не смее да се користат за радијаторот. Ако не е целосно ладен кога ќе го пробате тоа, постои можност хемикалиите во производот да реагираат со топлината, па можна е дури и експлозија. Овие производи никогаш не смеат да се користат со извори на топлина“, вели инженерот за грејни тела, Дејмон Калберт.
„Најдобар начин да го исчистите радијаторот е со помош на фен за коса и топла вода со сапун за садови. Но секако, пред тоа, радијаторот нека биде исклучен најмалку два часа“, советува тој.
Пронајдете не на следниве мрежи:
