Вести

ЕКСПЛОЗИЈА ВО СЕЛО ВО ПОЛСКА: Американски функционер тврди дека паднале две руски ракети, има мртви

Напишано од Леонардо на

Повеќе во Вести:

Во селото Пржеводов на полската страна на полско-украинската граница попладнето се случила експлозија, а според првичните информации загинале две лица.

Полските портали пишуваат дека војската и полицијата се на терен, но причината за експлозијата се уште не е позната. Радио Лублин соопшти дека две лица загинале. Инцидентот се случил во 15 часот и 40 минути.

Русите се оградија: Намерна провокација


Во соопштението, руското Министерство за одбрана негираше дека нејзините ракети влегле во Полска. Извештаите за падот на два проектили кои погодија село во Полска на границата со Украина беа наречени „намерна провокација“.
Написите на полските медиуми и изјавите на официјални лица за наводниот пад на „руски“ ракети во областа Пржеводово се намерна провокација со цел ескалација на ситуацијата. Руските проектили не погодија цели во близина на украинско-полската државна граница. Остатоците кои полските медиуми ги објавија од местото на настанот во селото Пржеводов немаат никаква врска со руско оружје.
ЕКСПЛОЗИЈА ВО СЕЛО ВО ПОЛСКА Американски функционер тврди дека паднале две руски ракети, има мртви

Некои полски медиуми јавија дека експлозијата се случила по пад на проектил. Оваа вест не е потврдена.

Ројтерс го цитираше Лукас Кучи, вработен во блиската противпожарна станица.

– Пожарникарите се на терен, не е јасно што се случило – рече тој.

Две залутани ракети паднаа во градот Пржеводов во провинцијата Лублин на границата со Украина. Удриле во сушарите за жито. Две лица загинаа. На терен се полицијата, обвинителството и армијата – неофицијално јави Радио ЗЕТ.

Се појавија извештаи дека полскиот премиер свикал итен безбедносен состанок откако две руски проектили, наводно, паднале во Пжеводов, полски град на 100 километри од украинскиот град Лавов. Пријавено е дека две лица загинале – напиша Антон Герашенко, советник на министерот за внатрешни работи на Украина.

Полицијата ги блокираше приодите
Репортер од Радио Лублин е на лице место во Пржеводово.

Не може да се дојде до местото на експлозијата во Пржеводово. Полицијата го блокирала пристапниот пат, јавува репортерот на Радио Лублин.

-Немаме никакви информации, се уште не ни дошол новинар. Жителите се пропуштени. Во близина на местото на експлозијата е станбен блок, има згради. Одвреме навреме влегуваат или излегуваат амбулантни возила, пожарникари, полиција, граничари – напиша тој

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.