„Нивната влада сè уште треба да ја увери загрижената турска јавност дека солидарноста во НАТО е обезбедена во пресрет на изборите следната година“, рече денеска Ердоган на заедничката прес-конференција со шведскиот премиер Улф Кристерсон во Анкара.
„Верувам дека мојот драг пријател Кристерсон ќе ме разбере во овој момент“, рече Ердоган, додавајќи дека Турција сè уште очекува конкретни потези од Шведска, вклучително и екстрадиција на некои осомничени кои Анкара ги смета за терористи.
Ердоган го именува поранешниот главен уредник на сега веќе непостоечкиот весник поврзан со групата на исламскиот политички лидер Фентулах Ѓулен, кој живее во САД, меѓу осомничените чија екстрадиција ја бара. Турција ја класифицира групата како терористичка.
Турција го блокира влезот на Шведска и Финска во НАТО алијансата, наведувајќи ја нивната наводна поддршка за групи како што е забранетата Курдистанска работничка партија (ПКК), која Европската унија и САД ја сметаат за терористичка организација.
Турција ја поддржува политиката на отворени врати на НАТО и се надева дека планираниот состанок на трите земји во Стокхолм подоцна овој месец ќе донесе попозитивен исход, додаде Ердоган. Стокхолм разбира дека станувањето сојузник на НАТО вклучува должности кон другите членки, вклучително и Турција, рече Кристерсон.
„Понудив начини на кои Шведска може да ѝ помогне на Турција во борбата против тероризмот. Целосно ќе го спроведеме трилатералниот меморандум“, додаде Кристерсон, мислејќи на договорот постигнат меѓу Турција, Шведска и Финска на крајот на јуни. Освен Унгарија, Турција е единствената членка на Алијансата која се уште не го ратификувала влезот на двете земји во НАТО.
Пронајдете не на следниве мрежи:
