ЖАЛНА ВЕСТ ВО МАКЕДОНИЈА: Се укинува “Задруга”

Сопственикот на српската телевизија Пинк, Жељко Митровиќ, на „Твитер“ објави дека оценката на претседателот на Србија, Александар Вучиќ, е поважна од интересот на „ТВ Пинк“ и од неговиот личен интерес, па затоа и донел одлука за укинување на реалното шоу „Задруга“.

Митровиќ најави дека во наредните десетина дена ќе го откаже реалното шоу „Задруга“.

Претходно, медиумите во Србија објавија дека Вучиќ изјавил оти во разговор со сопственикот на телевизијата Пинк го замолил да ја разгледа можноста за укинување на реалното шоу.

По масакрот во белградското основно училиште „Владислав Рибникар“, јавноста покрена петиција за укинување на реалните шоуа и одземање на лиценците за работа на телевизиите „Пинк“ и „Хепи“.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.