За време на Неделата на модата во Париз, се одржа специјална ревија на L’Oréal Paris, каде што блескаа многу познати дами, а се одржа пред историскиот Hotel de Ville во Париз.

Ева Лонгорија, Енди Мекдауел и Виола Дејвис, меѓу другите, прошетаа по пистата, а рефлекторите особено светнаа на незаборавната Џејн Фонда.

Оваа актерска и активистичка икона покажа дека стилот и харизмата навистина немаат рок на траење. Шоуто беше почит кон убавината, овластувањето и сестринството, а оваа прекрасна актерка беше една од најголемите ѕвезди на вечерта. Таа ја освои публиката со својата самодоверба, грациозност и неповторлив шарм.

За оваа пригода, 87-годишната Џејн носеше спектакуларен долг фустан во златна нијанса, кој буквално блескаше на пистата. Креацијата беше тесна, совршено следејќи ја линијата на телото, со долги ракави и дискретен сјај од илјадници ситни светки.

Фустанот беше кроен за да ја нагласи елеганцијата, а воедно остана софистициран и безвременски. Во комбинација со златни сандали, целиот аутфит создаде совршена хармонија на гламур и софистицираност.

Нејзината препознатлива сива коса стилизирана во меки бранови дополнително ја нагласи нејзината природна убавина и став. На пистата, Џејн Фонда одеше покрај млади машки модели, а нејзината самодоверба беше заразна.

Оваа ревија ги комбинираше модните трендови со порака за инклузивност и прослава на различноста. Џејн Фонда уште еднаш покажа дека убавината не е врзана за возраста, туку за ставот и внатрешната сила. Со својот изглед, таа уште еднаш го потврди својот статус на модна и културна икона.

Пронајдете не на следниве мрежи:

• 
• 
• 
• 
• 
•