Украинскиот претседател Володимир Зеленски ги повика Украинците на Велигден да не се откажат од надежта дека мирот ќе се врати во нивната земја и да истраат да ги надминат тешкотиите од војната со која се соочуваат веќе 1.152 дена. Облечен во сива традиционална украинска извезена кошула и стоејќи пред главната црква во Киев, катедралата Света Софија, Зеленски во видео на социјалните мрежи рече дека Украина никогаш не ја губи вербата.„Затоа што оваа вера е во секој од нас“, рече Зеленски. „Во оние што стојат покрај вас. Кај Украинците, кај Украинките. Верата дека злото може да има свој час, но Бог ќе го има својот ден“.
Evil may have its hour, but God will have His day. This is one of the meanings enshrined in the story of Christ. Of His earthly suffering and death – and of His resurrection, and the truth that sooner or later, yet inevitably, evil will retreat, and life will triumph.
That is… pic.twitter.com/W4ChVWWFuP
— Volodymyr Zelenskyy / Володимир Зеленський (@ZelenskyyUa) April 20, 2025
Рускиот претседател Владимир Путин во саботата објави изненадувачки еднодневен прекин на огнот во Украина за Велигден, кој оваа година се паѓа на ист ден за православните и западните цркви. Но, Зеленски претходно во неделата рече дека руската војска симулира пауза во непријателствата, продолжувајќи со ноќните обиди да нанесе жртви на фронтот во Украина.„Знаеме што браниме. Знаеме за што се бориме. За кого и поради кого“, рече Зеленски. ,,Ќе дојде денот на животот.”
