МИТ: РЕГЕНЕРАТОРОТ СЕ СТАВА САМО НА ВРВОВИТЕ
Најважно е добро да ја измиете косата, темелно и двапати за да биде беспрекорно чиста (во некои ситуации може да биде и три пати). Регенераторот дефинитивно треба да го нанесуваме бидејќи го затвора процесот на миење на косата, кој е неопходен за косата да биде сјајна, заштитена и хидрирана. Се нанесува по должината на косата и се избегнува само темето, освен ако не е сува и дехидрирана, па темелно се исплакнува. Многу е важно внимателно да се избере регенератор, бидејќи ако не е добро избран, може да создаде контра-ефект и да бидеме незадоволни од резултатот.
МИТ: МАСКА ПРЕД ШАМПОНИРАЊЕ
Мора по миењето на косата да се нанесуваат маски и регенератори. Тие имаат улога да навлезат длабоко во кутикулата на косата, спроведувајќи го процесот на апсорпција на добри витамини од маската што сте ја избрале, а тоа има смисла само кога косата е чиста, влажна и отворена. Нема смисла да ставате маска на валкана коса полна со себум и други загадувачи, бидејќи нема да ѝ помогне, само ќе биде потешко да се мие. За дополнителна нега, а и за сува коса, се препорачува соодветно масло за коса, кое се користи во мали количини и може да се користи секој ден.
МИТ: ПРВОТО ШАМПОНИРАЊЕ ВЕДНАШ СЕ ПЛАКНЕ
Првото миење на косата е исто толку важно како и второто. Кога ја миете косата за прв пат, скалпот и должината мора да се измијат темелно, со кружни движења за да се подигне и измие целиот себум акумулиран на скалпот. Без разлика што шампонот нема добро или воопшто да се пени, мора да продолжиме да го миеме бидејќи е многу важно при второто шампонирање косата да ги апсорбира сите витамини и хранливи материи од шампонот. Немојте да се залажувате дека ако косата не се пени затоа што не е добро измиена, тогаш добро се отстранува слојот од нечистотија. При првото шампонирање не треба да ставате дополнителна количина на шампон бидејќи на тој начин го фрламе.
